Kampuni ya Tosyalı Holding imetangaza uwekezaji mpya wa dola bilioni 2.5 nchini Algeria kwa lengo la kupanua uwezo wake wa uzalishaji wa chuma.
Hatua hiyo inakuja baada ya kampuni hiyo kupanda kwa kasi katika orodha ya wazalishaji wa chuma duniani, ikitoka nafasi ya 84 hadi ya 46 katika kipindi cha miaka minne iliyopita.
Mradi huo unahusisha ujenzi wa kiwanda kikubwa kipya kitakachoongeza uwezo wa uzalishaji na kuimarisha nafasi ya kampuni hiyo katika soko la kimataifa.
Uwekezaji huo pia unatarajiwa kuchangia maendeleo ya sekta ya viwanda nchini Algeria na kutoa ajira kwa wananchi wengi.
Chanzo: Africanews
