Türkiye ta bayyana cewa sabunta mandatin rundunar wanzar da zaman lafiya ta Majalisar Ɗinkin Duniya a Cyprus (UNFICYP) ba tare da amincewar Turkawan Cyprus ba ya saba wa ka’idoji da al’adun aiki na MDD. Ma’aikatar harkokin wajen Türkiye ta fitar da wannan sanarwa ne bayan Kwamitin Tsaron MDD ya amince da tsawaita mandatin rundunar na wani shekara guda.
Ankara ta ce tana goyon bayan matsayar da Jamhuriyar Turkawan Arewacin Cyprus (TRNC) ta dauka kan warware matsalar Cyprus, tana mai cewa dogaro da tsofaffin hanyoyin da aka gwada tsawon shekaru amma suka gaza ba zai kawo mafita ba. A cewar Türkiye, irin wannan tsari yana hana cimma yarjejeniya ta dindindin wadda za ta kasance adalci kuma mai dorewa bisa ainihin halin da tsibirin ke ciki.
Ma’aikatar ta kuma jaddada cewa rundunar UNFICYP na aiki a yankin TRNC ne bisa yardar hukumomin TRNC kawai, tare da kira da a samar da sahihin tsarin doka don ci gaba da aikinta. Ta yi gargadin cewa idan hakan bai faru cikin lokaci ba, duk matakan da TRNC za ta dauka za su samu cikakken goyon bayan Türkiye a matsayinta na uwa da kuma ƙasar da ke da rawar garanti.
Türkiye ta kuma soki abin da ta kira nuna son kai a cikin kudurin, musamman dangane da aikin gina titin Yigitler-Pile, tana mai cewa aikin na jin kai ne don bai wa Turkawan Cyprus damar shiga yankinsu kai tsaye. Ta kara da cewa ana yin watsi da take-take da ake yi wa yankin buffer zone daga bangaren Girkawan Cyprus, yayin da ta sake jaddada cewa mafita mafi inganci ita ce zaman tare na ƙasashe biyu masu zaman kansu a tsibirin.
Majiyar Labari: TRT WORLD
