Uganda inasema raia wake watatu waliuawa wakati wa maandamano ya kupinga wahamiaji nchini Afrika Kusini, huku kundi la kwanza la raia 273 likiwasili nyumbani mwishoni mwa wiki.
Kaimu waziri wa mambo ya nje wa Uganda, Haruna Kasolo, akizungumza baada ya kuwalaki waliorudi nyumbani katika Uwanja wa Ndege wa Kimataifa wa Entebbe, amesema kuwa serikali imesikitishwa na kupoteza maisha kwa raia wake na ilikuwa inafanya mipango ya kurudisha miili ya waliouawa.
“Serikali inasikitika kueleza kuwa raia watatu wa Uganda waliuawa. Bwana Wilbert Nuwamanya alipoteza maisha aliposhambuliwa katika Mkoa wa KwaZulu-Natal.
“Mtu wa pili, ambaye bado hajatambuliwa, alipoteza maisha mjini Cape Town, na pia kuna mtu wa tatu. Serikali inafanya mipango ya kuisafirisha miili yao,” Kasolo amesema.
Kuondoka bila chochote
Wengi ya wanaorudi wanasema wamekimbia na nguo zao tu walizokuwa wamevaa, walifurahia ndege ilipotua Entebbe, kufikisha ukomo wa hali ya wasiwasi kwa raia wa kigeni na biashara zao katika maeneo kadhaa nchini Afrika Kusini.
Rais wa Yoweri Museveni aliagiza taasisi za serikali ya Uganda kuwaokoa raia wa nchi hiyo waliojikuta katikati ya vurugu.
Balozi wa Uganda nchini Afrika Kusini, Paul Amoru, anasema wengi ya wale wanaoreje nyumbani wamepoteza kila kitu katika mashambulizi hayo.
“Raia wengi wa Ugandan wamerudi bila chochote. Mali zao ziliharibiwa, ilhali wengine hawakuruhusiwa kuchukua kilicho chao,” Amoru alisema.
