Putin atakutana na mjumbe wa Trump Moscow, matumaini ya amani ya Ukraine

Rais wa Urusi Vladimir Putin atakutana leo na mjumbe maalum wa Marekani Steve Witkoff pamoja na Jared Kushner, mkwe wa Donald Trump, mjini Moscow. Mkutano huo unafuatia mazungumzo ya siku mbili Florida kati ya maafisa wa Ukraine na Marekani, yenye lengo la kuboresha mpango wa amani unaoungwa mkono na Marekani. Rais wa Ukraine Volodymyr Zelensky ameelezea mazungumzo hayo kama “ya kujenga,” huku akibainisha kuwa masuala magumu bado yanapaswa kutatuliwa. Zelensky pia amesisitiza kwamba vipaumbele vya Kyiv ni kudumisha mamlaka yake na kupata dhamana za usalama. Mkutano huo wa Moscow unafanyika saa chache baada ya Urusi kudai kuuteka mji wa kimkakati wa Pokrovsk mashariki mwa Ukraine na mji wa mpakani wa kaskazini-mashariki wa Vovchansk.