Academy of Motion Picture Arts and Sciences imetangaza kuwa YouTube itakuwa mtangazaji rasmi wa Tuzo za Oscar kuanzia 2029 hadi 2033, ikijumuisha matukio yote muhimu kama zulia jekundu na tamasha la Governors Ball. Hatua hiyo inalenga kupanua wigo wa watazamaji duniani, kwa kuwa YouTube ina zaidi ya watumiaji bilioni mbili. Ingawa sherehe hizo zitapatikana bila malipo kwa watazamaji wengi kimataifa, watumiaji nchini Marekani watalazimika kuwa na usajili wa YouTube TV. Academy imesema mpango huo utaongeza upatikanaji wa kimataifa kupitia huduma za lugha nyingi na vipengele vya kidijitali.
CHANZO: BBC NEWS
