Tsohon Mataimakin Shugaban Najeriya, Atiku Abubakar, ya bayyana cewa babu wani ɗan takara da zai janye wa wani a zaben fidda gwanin jam’iyyar African Democratic Congress (ADC) na shekarar 2027, yana mai jaddada cewa jam’iyyar za ta bi tsari na gaskiya, bayyananne kuma mai tsattsauran gasa wajen zaɓar ɗan takararta.
A cikin wata sanarwa da mai magana da yawunsa, Paul Ibe, ya fitar, Atiku ya zargi jam’iyyar APC da ƙoƙarin tsoratar da jam’iyyun adawa da raunana su kafin babban zaɓe mai zuwa.
Wannan martani na Atiku na zuwa ne bayan jita-jitar cewa ana matsin lamba gare shi ya janye domin bai wa ɗan takara daga kudu damar fitowa a madadin jam’iyyar. Ya ce shugabannin adawa sun haɗu ne domin gina ingantaccen zaɓi madadin gwamnatin yanzu, tare da bai wa duk ‘yan takara masu cancanta damar tsayawa ba tare da tsangwama ba yayin aikin tantancewa.
Ya kuma zargi gwamnatin Shugaba Bola Ahmed Tinubu da gazawa da kuma ƙoƙarin rage ƙarfin jam’iyyun adawa, yana mai cewa ADC na kan “shirin ceto ƙasa.”
