A cikin wani yanayi mai tayar da hankali, an cafke wani mutum sanye da bakar riga bayan ya fesa wani abu da ba a gano ba a kan ‘yar majalisar dokokin Amurka Ilhan Omar yayin da take gudanar da taron jama’a (town hall) a birnin Minneapolis, lamarin da ya sa mahalarta suka yi ihu tare da taimakawa jami’an tsaro wajen kwantar da shi a ƙasa.
Bidiyon da ya bazu ya nuna yadda aka daure hannayensa a bayansa yayin da wasu ke cewa “ya fesa wani abu a kanta,” kuma an ji ana cewa ruwan yana da wari mai ƙarfi. Duk da haka, Ilhan Omar ta ƙi barin taron, ta koma kan mimbari tana mai cewa ba za ta bari masu tayar da hankali su hana ta ci gaba da aikinta ba.
Daga baya ta wallafa a shafin X cewa tana lafiya kuma ba za ta bari “ƙananan masu tsoratarwa” su hana ta yin abin da ya rataya a wuyanta ba, tana jaddada cewa ba ta barin masu tsangwama su yi nasara.
