Rais wa Uturuki Recep Tayyip Erdoğan amesema kuwa licha ya kile alichokitaja kama juhudi za baadhi ya mataifa, ikiwemo Israel, za kuwasha tena moto wa vita katika eneo la Mashariki ya Kati, Uturuki inaendelea kufuatilia hali hiyo kwa tahadhari na matumaini.
Akizungumza Ijumaa katika hafla ya Century of Türkiye – Strong Hub for Investment mjini Istanbul, Erdoğan alisema kuwa eneo hilo na dunia kwa ujumla haviwezi kurudi katika hali ya zamani baada ya misukosuko mikubwa ya kiusalama iliyotokea.
Aliongeza kuwa Uturuki imefanikiwa kudhibiti moja ya migogoro mikubwa zaidi ya kiusalama ya miaka ya hivi karibuni na hivyo kuimarisha nafasi yake kama “kisiwa cha uthabiti” katika eneo lake.
CHANZO: TRT Afrika
