Takriban watu 20 wanahofiwa kupoteza maisha kufuatia ajali ya boti iliyopinduka katika mto Nguse River nchini Uganda,kwa mujibu wa taarifa za awali kutoka mamlaka za eneo hilo, boti hiyo ilikuwa imebeba abiria wengi kuliko uwezo wake, jambo linalodaiwa kuwa chanzo kikuu cha ajali hiyo. Inaelezwa kuwa boti ilipinduka ghafla wakati ikivuka mto huo, na kusababisha abiria wengi kuangukia majini.
Vikosi vya uokoaji vilifika haraka eneo la tukio na kuanza operesheni ya kuwatafuta manusura pamoja na miili ya waliopoteza maisha. Hata hivyo, juhudi hizo zimekuwa ngumu kutokana na hali ya maji na ukosefu wa vifaa vya kisasa vya uokoaji.
Baadhi ya manusura wamesimulia kuwa hakukuwa na vifaa vya usalama kama jaketi za kuokoa maisha, jambo lililoongeza hatari kwa abiria waliokuwemo ndani ya boti hiyo.
Mamlaka zimeanzisha uchunguzi kubaini chanzo halisi cha ajali hiyo na kuchukua hatua ili kuzuia matukio kama hayo kujirudia. Tukio hilo limeibua wasiwasi mkubwa kuhusu usalama wa usafıri wa majini katika maeneo ya vijijini nchini Uganda.
Chanzo:Africanews
