Serikali ya Iran imesema kuwa United States tayari imetoa majibu kuhusu pendekezo lake la hivi karibuni la amani linalolenga kumaliza mgogoro uliopo kati ya mataifa hayo mawili.
Kwa mujibu wa taarifa, pendekezo hilo lilijumuisha masharti kadhaa muhimu, ikiwa ni pamoja na kuondolewa kwa vikwazo, kusitishwa kwa mapigano, na kufunguliwa kwa njia muhimu za biashara kama vile mlango wa bahari wa Hormuz.Iran imeeleza kuwa majibu ya Marekani yanaonyesha kuwa mazungumzo yanaendelea, ingawa bado kuna tofauti kubwa kati ya pande hizo mbili, hasa kuhusu suala la mpango wa nyuklia wa Iran.
Kwa upande wake, viongozi wa Marekani wameonyesha mashaka kuhusu pendekezo hilo, wakisema kuwa halijajumuisha masharti muhimu wanayoyataka, jambo linalofanya makubaliano ya haraka kuwa magumu kufikiwa.
Hata hivyo, wataalamu wanasema kuwa kubadilishana majibu kati ya pande hizo ni hatua muhimu inayoweza kufungua njia ya mazungumzo ya kina zaidi na uwezekano wa kufikia suluhisho la kudumu.
Chanzo:BBC World
