Biodun Ajiboye, ya yi gargaɗi mai ƙarfi cewa makomar Nijeriya na iya shiga hatsari matuƙa idan ’yan ƙasa ba su yi taka-tsantsan da jam’iyyar adawa ta African Democratic Congress (ADC) ba, yana zargin jam’iyyar da shirya dabarun da ka iya jefa ƙasar cikin ruɗani.
Ajiboye ya bayyana hakan ne a shirin Politics Today na Channels TV, inda ya ce ADC na amfani da dabarun PR da lobbiyin ƙasa da ƙasa don lalata sunan gwamnati da tayar da hankalin jama’a.
Ya zargi ƙungiyar da mugunta, yana cewa suna yaɗa labaran yunwa da matsaloli don ɓata suna da kuma jawo rashin kwanciyar hankali. A cewarsa, APC ta ceci Nijeriya daga wani hatsari mai girma a baya, kuma ya bukaci ’yan ƙasa da su yi hattara da “haɗin gwiwar” ADC.
