Timu ya Coventry City imeandika historia baada ya kupanda daraja kwenda Premier League kwa mara ya kwanza baada ya miaka 25.
Coventry ilihakikisha kupanda daraja mapema kabla ya msimu kumalizika, na baadaye ikathibitisha ubingwa wa EFL Championship baada ya ushindi mkubwa wa mabao 5-1 dhidi ya Portsmouth.
Chini ya kocha Frank Lampard, timu hiyo imeonyesha kiwango cha juu msimu huu, na mafanikio hayo ni taji lake la kwanza kama kocha.
Kupanda daraja kwa Coventry kunamaanisha kurejea ligi kuu ya England kwa mara ya kwanza tangu mwaka 2001, hatua inayochukuliwa kuwa mafanikio makubwa kwa klabu hiyo.
Wachambuzi wanasema mafanikio hayo yanaweza kuleta ushindani mpya katika Premier League msimu ujao.
Chanzo:Sky sports
