Duniya na ƙara komawa ga zinari a matsayin mafakar tsaro yayin da rikice-rikicen siyasa da tattalin arziki ke ƙaruwa. A wannan makon, farashin zinari ya kai wani sabon matsayi na tarihi, ya zarce dala $5,000 kan kowane awo (ounce), abin da ke nuna tsananin fargabar kasuwanni game da makomar duniya.
A safiyar Litinin, farashin zinari ya tashi zuwa kusan $5,090 kan awo, bayan da ya kai kololuwa har $5,111. A cikin mako guda kacal, farashin ya ƙaru da fiye da kashi 9%, yayin da a cikin shekara guda ya tashi da kusan kashi 84%.
Masana sun danganta wannan hauhawa da:
- Ƙaruwa da rikice-rikicen siyasa da yaƙe-yaƙe
- Tsoron rikicin kasuwanci tsakanin manyan ƙasashe
- Rage ribar bankunan duniya
- Sabbin barazanar haraji daga Shugaban Amurka Donald Trump
Trump ya sake tayar da hankali bayan ya yi barazanar kakaba harajin 100% kan kayayyakin Kanada idan ta kulla yarjejeniya da China, tare da kalamansa game da Iran da Greenland.
- Haka kuma, azurfa (silver) ta karya nata tarihi, inda farashinta ya kai sama da $107 kan awo, bayan tashi da fiye da kashi 250% cikin shekara guda.
Majiyar Labari: TRT AFRİKA
