Shugaban kasan Ghana, John Dramani Mahama, ya yi kira da a sake shirya tunani da horas da jami’an tsaro domin hana kai hare-hare kan ’yan jarida, biyo bayan karuwar rahotannin cin zarafi ga ma’aikatan watsa labarai a ƙasar. Ya bayyana hakan ne a ranar Alhamis, 8 ga Janairu, yayin ziyararsa zuwa Ghana Broadcasting Corporation (GBC).
Mahama ya ce shirin sake horon zai taimaka wa jami’an tsaro su fahimci muhimmancin aiki tare da ’yan jarida, kasancewar bangarorin biyu na taka muhimmiyar rawa wajen yi wa jama’a hidima da inganta gaskiya. Ya yi kakkausar suka ga duk wani hari kan ’yan jarida, yana mai jaddada cewa ba za a lamunci irin waɗannan ayyuka a karkashin gwamnatinsa ba.
Shugaban ya ƙara da cewa za a yi aiki kafada da kafada da Ghana Journalists Association domin ƙarfafa haɗin kai da hukumomin tsaro. Ya ce ’yan tsaro da ’yan jarida ba abokan gaba ba ne, illa su ne abokan aiki wajen kare jama’a da sanar da su gaskiya.
