Mexico ta aika fiye da tan 800 na kayan tallafin jin-kai zuwa Cuba, tana jaddada tsohuwar manufarta ta nuna haɗin kai da ƙasashen Latin Amurka. Ma’aikatar Harkokin Wajen Mexico ta ce jiragen ruwa biyu na sojojin ruwa sun tashi daga tashar Veracruz dauke da kayan abinci, madarar foda da kayayyakin tsafta domin tallafa wa al’ummar Cuba.
Jiragen, Papaloapan da Isla Holbox na rundunar sojojin ruwan Mexico, sun yi jigilar kayan ne bisa umarnin Shugabar ƙasa, Claudia Sheinbaum. Papaloapan na dauke da tan 536 na kayan abinci da tsafta, yayin da Isla Holbox ke jigilar sama da tan 277 na madarar foda. Ana sa ran jiragen za su isa Cuba cikin kwanaki hudu.
Gwamnatin Mexico ta kuma bayyana cewa har yanzu akwai fiye da tan 1,500 na madarar foda da wake da ake shirin aikawa nan gaba. A cewar sanarwar, matakin na nuna ƙa’idodin jin-kai da ruhin haɗin kai da ke jagorantar Mexico, tare da ƙarfafa haɗin gwiwa tsakanin al’umma, musamman a lokutan gaggawa da rauni.
Majiyar Labari: AA
