Nigerian Air Force limeanzisha uchunguzi kufuatia madai ya vifo vya raia baada ya shambulizi la anga lililolenga wapiganaji wa Boko Haram kaskazini mashariki mwa Nigeria.
Kwa mujibu wa msemaji wa jeshi hilo, Sanni Uba, operesheni hiyo ilifanyika baada ya kukusanywa kwa taarifa za kijasusi zilizofuatilia mienendo ya magaidi waliokuwa wakikusanyika katika eneo hilo.
Hata hivyo, ripoti zimeibua wasiwasi kuwa raia wengi huenda waliuawa, jambo ambalo jeshi limeahidi kulichunguza kwa uzito mkubwa.
Uongozi wa jeshi umeagiza kitengo maalum cha uchunguzi (CHAI-Cell) kwenda eneo la tukio ili kubaini ukweli wa madai hayo.
CHANZO: TRT Afrika
