Rais wa Madagascar, Andry Rajoelina, alisema Jumatatu kwamba amevunja serikali yake kufuatia maandamano makali dhidi ya ukosefu wa maji na umeme katika taifa hilo la Bahari ya Hindi.
Maandamano hayo, ambayo yaliongozwa zaidi na vijana, yamesababisha vifo vya watu wasiopungua 22 na kuacha zaidi ya watu mia moja wakiwa wamejeruhiwa, kulingana na takwimu za Umoja wa Mataifa.
“Nimeamua kusitisha majukumu ya Waziri Mkuu na serikali. Wakati tunasubiri kuundwa kwa serikali mpya, wale walioko madarakani kwa sasa wataendelea kama mawaziri wa muda,” Rajoelina alisema katika hotuba ya kitaifa iliyorushwa kwenye televisheni.
Maombi ya nafasi ya Waziri Mkuu mpya yatapokelewa kwa muda wa siku tatu zijazo kabla ya serikali mpya kuundwa, aliongeza.
Maelfu waandamana
Maelfu ya watu, wengi wakiwa wamevaa mavazi meusi, wameandamana katika mji mkuu Antananarivo tangu maandamano hayo yaanze wiki iliyopita.
Polisi waliwatawanya waandamanaji kwa kutumia gesi ya kutoa machozi ili kusambaratisha umati.
