Saif al-Islam Gaddafi, mtoto wa aliyekuwa rais wa Libya Muammar Gaddafi, ameripotiwa kuuawa Jumanne kwa mujibu wa vyanzo vya karibu na familia yake na wakili wake Khaled el-Zaydi. Vyombo vya habari vya Libya pia vimethibitisha taarifa hizo, ingawa hadi sasa hakuna maelezo ya kina kuhusu mazingira ya kifo chake.
Saif al-Islam aliwahi kuwa na ushawishi mkubwa katika siasa za Libya kabla ya mapinduzi ya mwaka 2011 yaliyomuondoa madarakani baba yake. Mwaka 2015, alihukumiwa adhabu ya kifo na mahakama ya Libya kwa tuhuma za kukandamiza maandamano ya amani, huku pia akishtakiwa na Mahakama ya Kimataifa ya Uhalifu (ICC) kwa madai ya uhalifu dhidi ya ubinadamu.
Mnamo 2021, alijaribu kurejea katika siasa kwa kujisajili kugombea urais, lakini uchaguzi uliopangwa Disemba ulisambaratika kutokana na mkwamo wa kisiasa. Umaarufu wake umepungua katika miaka ya hivi karibuni, licha ya historia yake ya kisiasa.
CHANZO: TRT Afrika
