Dakarun Rundunar Sojin Nijeriya ta 6 Brigade Nigerian Army, ƙarƙashin FOB Wukari da Operation Whirl Stroke (OPWS), sun cafke wani fitaccen jagoran ‘yan bindiga da ake zargi da sace-sace da fashi da makami a yankin Benue–Taraba.
An kama wanda ake zargin ne a ranar 21 ga Disamba, bayan wani sahihin samame da aka gudanar bisa bayanan sirri a ƙauyen Vaase, Ƙaramar Hukumar Ukum ta Benue State. Kakakin rundunar, Lieutenant Muhammad Umar, ya bayyana cewa wanda aka cafke, Fidelis Gayama, ana ɗaukarsa a matsayin “babban wanda ake nema ruwa a jallo”, kuma binciken farko ya nuna yana da alaƙa ta kut-da-kut da Dogo, wani jagoran ƙungiyar ‘yan bindiga da ake nema ruwa a jallo.
Ya ce jami’an Nigeria Police Force sun tabbatar da cewa Gayama na cikin mutanen da aka ayyana a matsayin waɗanda ake nema ruwa a jallo a Benue. Sanarwar ta ƙara da cewa wanda aka cafke yana tsare a hannun sojoji, kuma za a miƙa shi ga hukumomin da suka dace domin ci gaba da bincike da gurfanarwa bisa doka.
Kwamandan rundunar, Brigadier General Kingsley Chidiebere Uwa, ya bayyana cafke mutumin a matsayin gagarumar nasara, tare da ƙarfafa kiran da jama’a ke bai wa hukumomin tsaro sahihan bayanai.
Majiyar Labari: Channels
