Wizara ya Ulinzi ya Urusi imedai kuwa vikosi vyake vya Afrika vilisaidia kuzuia jaribio la mapinduzi lililotokea Aprili 25 nchini Mali.
Kupitia taarifa iliyotolewa Jumanne, Moscow ilisema vikosi hivyo vilijibu kwa nguvu mashambulizi yaliyotekelezwa na makundi yenye silaha na kufanikiwa kuwazidi nguvu washambuliaji.
Kauli hiyo imekuja baada ya mfululizo wa mashambulizi yaliyohusishwa na makundi yenye uhusiano na al-Qaeda, yakiwemo JNIM pamoja na wapiganaji wa Tuareg.
Urusi imekuwa ikiimarisha ushirikiano wake wa kijeshi na serikali ya mpito ya Mali katika vita dhidi ya makundi yenye silaha nchini humo.
CHANZO: TRT Afrika
