Zimbabwe imefanikiwa kusafirisha shehena ya kwanza barani Afrika ya lithium sulphate iliyosindikwa ndani ya nchi, hatua inayoonekana kama mafanikio makubwa katika sekta ya madini.
Shehena hiyo ilitengenezwa katika mgodi wa Prospect Lithium Zimbabwe unaosimamiwa na kampuni ya China ya Zhejiang Huayou Cobalt.
Kampuni hiyo imesema uzalishaji huo ni wa kwanza wa aina yake nchini Zimbabwe na Afrika kwa ujumla, ukiashiria hatua muhimu katika kuongeza thamani ya madini kabla ya kusafirishwa nje ya nchi.
Hatua hiyo inakuja miezi miwili tu baada ya serikali kusitisha usafirishaji wa aina ghafi ya lithium ili kuhamasisha usindikaji wa ndani.
CHANZO: TRT Afrika
