Serikali ya Russia imedai kuwa video iliyosambazwa hivi karibuni inaonyesha mapigano makali kati ya wapiganaji wanaoungwa mkono na Moscow na waasi wa Tuareg nchini Mali,kwa mujibu wa taarifa hizo, video hiyo inaonyesha wanajeshi wakishiriki mapigano katika maeneo ya kaskazini mwa Mali, ambako kwa muda mrefu kumekuwa na migogoro kati ya serikali na makundi ya waasi. Urusi imesisitiza kuwa uwepo wake nchini humo ni kwa ajili ya kusaidia juhudi za kupambana na makundi yenye silaha na kurejesha utulivu.
Hata hivyo, baadhi ya wachambuzi na mashirika ya kimataifa wameeleza kuwa ni vigumu kuthibitisha uhalisia wa video hiyo, wakionya kuwa inaweza kuwa sehemu ya vita ya taarifa au propaganda,waasi wa Tuareg wamekuwa wakipigania haki na ushawishi zaidi katika maeneo ya kaskazini mwa Mali, na mara nyingi wameingia katika mapigano na vikosi vya serikali pamoja na washirika wao wa kijeshi.
Mgogoro huo unaendelea kuwa changamoto kubwa kwa usalama wa eneo la Sahel, huku nchi mbalimbali zikihusika moja kwa moja au kwa njia zisizo za moja kwa moja.
Chanzo:Africanews
