Jeshi la Marekani limetangaza kuwa wanajeshi wake wawili hawajulikani walipo baada ya kushiriki mazoezi ya kijeshi ya pamoja yaliyofanyika nchini Moroko.
Kwa mujibu wa taarifa rasmi kutoka jeshi hilo, wanajeshi hao walikuwa sehemu ya kikosi kilichokuwa kikifanya mazoezi ya kawaida ya kijeshi kwa kushirikiana na vikosi vya Morocco pamoja na washirika wengine wa kimataifa.
Baada ya kukamilika kwa shughuli hizo, iligundulika kuwa wanajeshi hao wawili hawakuripoti kurejea kambini kama ilivyotarajiwa, hali iliyozua taharuki na kuanzishwa mara moja kwa operesheni ya utafutaji.
Mamlaka za kijeshi zimeeleza kuwa juhudi kubwa zinaendelea, zikihusisha vikosi vya ardhini, angani pamoja na ushirikiano wa karibu kati ya Marekani na Morocco ili kuwatafuta wanajeshi hao haraka iwezekanavyo,Ingawa sababu ya kutoweka kwao bado haijajulikana, maafisa wameahidi kutoa taarifa zaidi pindi uchunguzi utakapoendelea, Wakati huo huo, familia za wanajeshi hao zimearifiwa na zinaendelea kupewa msaada wa karibu,
Wachambuzi wa masuala ya usalama wanasema matukio kama haya ni nadra lakini yanaweza kutokea wakati wa mazoezi makubwa ya kijeshi, hasa katika mazingira yasiyozoeleka.
Chanzo:Africanews
