Matatar Dangote ta samar da lita miliyan 32.02 na man fetur ga kasuwar Nijeriya a watan Disamban 2025, kamar yadda wata takardar bayanai daga Hukumar Kula da Harkokin Sarrafawa da Tace Man Fetur (NMDPRA) ta bayyana.
Rahoton ya nuna cewa matatar ta yi aiki da kusan kashi 71 cikin 100 na ƙarfin da aka tsara, daga cikin lita miliyan 50 da aka sanya a matsayin buri, abin da ke nuna kyakkyawan ci gaba wajen rage gibin man fetur a ƙasar.
Takardar ta kuma bayyana cewa duk da rufe matatun NNPCL guda uku, ana ci gaba da fitar da dizal daga ajiyar da aka riga aka samar a Matatar Fatakwal kafin 24 ga Mayu 2025, inda ake samun kusan lita 247,000 a rana.
Saboda ƙaruwar bukata a lokacin bukukuwa, an shigo da lita miliyan 42.2 na fetur a rana domin cike gibin lita miliyan 72.4 da kasuwar cikin gida ke bukata, yayin da aka kuma ba da lasisi don gina sabuwar matatar mai, tare da shirin fara aikin matatar Waltersmith (Train 2) a Janairun 2026.
