Somalia na Qatar zimeimarisha uhusiano wao wa kijeshi kwa kusaini makubaliano ya ushirikiano wa ulinzi, yaliyolenga kuendeleza uratibu wa kiusalama na juhudi za pamoja za kulinda utulivu wa kikanda na kimataifa. Makubaliano hayo yalisainiwa na Waziri wa Ulinzi wa Somalia Ahmed Moalim Fiqi na Waziri wa Ulinzi wa Qatar Saud bin Abdulrahman bin Hassan Al Thani katika maonesho ya kimataifa ya ulinzi wa majini na anga DIMDEX mjini Doha.
Kwa mujibu wa shirika la habari la serikali ya Somalia (SONNA), makubaliano haya yanaonyesha kuongezeka kwa ushirikiano wa kimkakati kati ya Somalia na Qatar, yakisisitiza maslahi ya pamoja katika sekta za ulinzi na usalama. Hafla hiyo ilifanyika sambamba na uzinduzi wa maonesho ya DIMDEX na Emir wa Qatar, Sheikh Tamim bin Hamad Al Thani, ambapo zaidi ya kampuni 200 za ndani na kimataifa na zaidi ya ujumbe rasmi 110 walihudhuria.
CHANZO: TRT Afrika
