Jeshi la Ghana limethibitisha vifo vya watu watatu kufuatia shambulio dhidi ya msafara wa kijeshi uliokuwa ukisafirisha raia takribani 140 kutoka Bawku kuelekea Bolgatanga.
Kwa mujibu wa taarifa ya jeshi, msafara huo ulipigwa risasi katika eneo la Binduri na watu wasiojulikana. Jeshi linasema liliwafukuza washambuliaji na kuwaua saba kati yao.
Silaha zilizokamatwa kwa mmoja wa washukiwa ni pamoja na bunduki aina ya G3, magazini mbili na risasi 176.
Jeshi pia limewakamata washukiwa wengine kumi na kuonya wananchi dhidi ya kuingilia operesheni za usalama zinazoendelea.
CHANZO: TRT Afrika
