Tsohon shugaban Senegal, Macky Sall, ya bayyana cewa babban burinsa idan ya zama Sakatare Janar na United Nationsshi ne dawo da amincewa a cikin ƙungiyar. Ya bayyana hakan ne yayin tattaunawa da wakilan ƙasashe 193 a wani zama na musamman da aka shirya domin ‘yan takarar wannan mukami.
Sall ya ce idan aka ba shi wannan dama, zai yi aiki wajen rage rikice-rikice, haɗa kan ƙasashe, da kuma dawo da fata a cikin ayyukan haɗin gwiwa na duniya. Ya jaddada cewa amincewa tana samuwa ne ta hanyar adalci da daidaito, yana mai cewa zai yi amfani da gogewarsa ta shekaru da dama a siyasa domin ƙarfafa tattaunawa da haɗin kai tsakanin ƙasashe.
Haka kuma ya yi alkawarin mayar da hankali kan inganta ayyukan kiyaye zaman lafiya da kuma tabbatar da kare haƙƙin ɗan Adam a matsayin ginshiƙi na ajandar Majalisar Dinkin Duniya. Ya bayyana kansa a matsayin wanda zai zama “mai haɗa ƙasashe da al’adu,” domin kawo kusanci tsakanin duniya.
Sai dai takararsa ba ta samu goyon bayan African Union ba, duk da cewa ana ci gaba da tattaunawa tsakanin ‘yan takara daban-daban. Bayan wannan mataki, UN Security Council zai duba takardun ‘yan takarar kafin ba da shawara, inda ake sa ran za a nada sabon Sakatare Janar a ƙarshen shekara ta 2026.
Majiyar Labari: AA
