Gwamnatin tsohon shugaban Amurka Donald Trump na shirin gabatar da sabon tsarin zaman lafiya na Sudan ga “Peace Council”, baya ga United Nations Security Council, idan bangarorin da ke yaki a kasar suka amince da shirin.
Wannan na zuwa ne a cewar Massad Boulos, babban mai ba da shawara kan harkokin Larabawa da Afirka, wanda ya ce wadannan hanyoyi biyu suna aiki ne tare ba tare da juna ta maye gurbi ba, kuma za su iya karfafa juna wajen samar da matsin lamba na siyasa don kawo karshen rikicin.
Boulos ya bayyana cewa shirin ya samu amincewar kungiyar Quad — Amurka, Masar, Saudiyya da Hadaddiyar Daular Larabawa — kuma Majalisar Dinkin Duniya ta riga ta tanadi wata hanya ta janye dakarun daga manyan biranen Sudan domin bai wa fararen hula damar komawa gidajensu cikin tsaro.
A halin da ake ciki, Marco Rubio ya jaddada cewa “Peace Council” ba zai maye gurbin Majalisar Dinkin Duniya ba, yana mai cewa Amurka na kuma kokarin tara kusan dala biliyan 1.5 domin taimakon jin kai a Sudan, yayin da yaki tsakanin sojojin gwamnati da RSF tun daga Afrilun 2023 ya haddasa mutuwar dubban mutane, raba miliyoyi da muhallansu, tare da jefa kasar cikin mummunar matsalar jin kai.
Majiyar Labari: AA
